Lukashenko thotë se perëndimi “po e shtyen” botën drejt një lufte që s’mund ta fitojë askush
Aleksandër Lukashenko, president i Bjellorusisë e që nuk pranohet nga perëndimi si i tillë ka thënë se “perëndimi po e shtyn botën drejt një lufte të madhe”, shton se atë luftë “askush s’mund ta fitojë”.
Këtë komente presidenti i afërt me Vladimir Putinin i ka bërë gjatë një ceremonie për të nderuar të diplomuarit e shkollave ushtarake, raporton agjencia e lajmeve bjelloruse Belta.
“Zhvillimet e vazhdueshme përfaqësojnë hapa vendimtarë drejt një rendi botëror shumëpolar dhe ndërprerjes së hegjemonisë amerikane të përforcuar nga ngritja ushtarake, ideologjia neo-naziste dhe regjimet haptazi fashiste rreth vendeve të pakëndshme”, ka pretenduar Lukashenko.
Lukashenko është president i kontestuar, pasi në gusht të vitit 2020 akuzohet se i ka manipuluar zgjedhjet presidenciale.
Është në pushtet që nga viti 1994 dhe njihet si politikan autoritar që e shtypë opozitën dhe të drejtat e njeriut.
Shkelje të tilla janë parë gjatë gushtit 2020, ku policia bjelloruse shtypi protestat duke burgosur dhjetëra kundërshtarë politikë.
(Kosova Sot Online)