Pasojat e luftës në ekonomia/ “Dhimbja” për Evropën është tani, Rusia do ta ndjejë më vonë

Në të gjithë Evropën, shqetësimi po rritet, ndërsa lufta e Rusisë në Ukrainë po vijon. Kremlini provokoi një krizë energjie në Evropë dhe rriti gjasat e një zhytjeje përsëri në recession. Ndërkohë, nga kostot e larta të energjisë të nxitura nga lufta po përfiton Rusia, një eksportues i madh i naftës dhe gazit natyror.

Megjithatë, në planin afatgjatë, ekonomistët thonë se Rusia, duke shmangur kolapsin e plotë, do të paguajë një çmim të rëndë për luftën: thellimin e stagnimit ekonomik përmes investimeve të humbura dhe të ardhurave më të ulëta për popullin e saj.

Sfida më urgjente e Evropës është afatshkurtër, shkruajnë mediat e huaja. Ndërkohë që Evropa po vuan, Rusia ka stabilizuar kursin e këmbimit të rublës, tregun e aksioneve dhe inflacionin përmes ndërhyrjes së gjerë të qeverisë. Nafta ruse po gjen më shumë blerës në Azi, megjithëse me çmime të ulëta, ndërsa klientët perëndimorë po tërhiqen.

Pasi u godit me sanksione lidhur me kapjen e rajonit të Krimesë të Ukrainës në vitin 2014, Kremlini ndërtoi një ekonomi fortesë duke mbajtur borxhin të ulët dhe duke i shtyrë kompanitë të furnizonin pjesë dhe ushqim brenda Rusisë.

Rusia ka dështuar në borxhin e saj të jashtëm për herë të parë në më shumë se një shekull, por nuk ka asnjë ndjenjë të krizës së afërt në qendër të Moskës.

(Kosova Sot Online)