Lexoni edhe:
Ilir Meta nuk i fsheh dot emocionet, Prishtina i dhuron 'Çelësin' e qytetit
Trafik i rënduar në zonat bregdetare, dyndje automjetesh në Vlorë dhe Durrës
Ardhja e fundjavës është shoqëruar me trafik të rënduar kryesisht në zonat bregdetare të vendit. Dyndje të madhe automjetesh ka pasur në Vlorë, në akset Transballkanike-Lungomare dhe Vlorë-Orikum, si dhe në autostradën Tiranë-Durrës.
Këtë fundjavë të parafundit të korrikut vijon trafiku i rënduar kryesisht në zonat bregdetare të vendit.
Dyndja e automjeteve në akset rrugore të qytetit të Vlorës është tepër e lartë edhe këtë fundjavë. Në akset si Transballkanike-Lungomare dhe Vlorë-Orikum, qarkullimi i një numri të madh automjetesh ka shkaktuar trafik të rënduar.
Në plazhet e qytetit pjesa më e madhe e çadrave dhe shezlongëve janë totalisht bosh, çka tregon tendencën e pushuesve për të zgjedhur zona jashtë qytetit për të vizituar, si Radhima, Dhërmiu, Palasa, Jala etj.
Trafik i rënduar paraqitet edhe në autostradën Tiranë-Durrës, ku një numër i madh qytetarësh zgjedhin për të lëvizur në fundjavë nga kryeqyteti drejt qytetit bregdetar.
(Kosova Sot Online)
