Djegia e shtëpisë në Bardhosh, ka të lënduar

Një person është lënduar pasi një shtëpi është djegur në fshatin Bardhosh të Prishtinës në orët e pasditës të së martës.

Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.

Ai tha se dëmet materiale janë të konsiderueshme.

“Rreth orës 17:30, është raportuar për një zjarr në një objekt në fshatin Bardhosh. Policia menjëherë ka dalë në vendin e ngjarjes, po ashtu janë ftuar edhe zjarrfikësit me qëllim të menaxhimit të përhapjes së zjarrit. Deri më tani raportohet për një person të lënduar, ndërkaq dëmet materiale janë të konsiderueshme”, tha Borovci.

(Kosova Sot Online)