Shoferi i kamionit i vërsulet me thikë zyrtarit doganor në Mitrovicë

Një zyrtar doganor gjatë kryerjes së detyrës zyrtare është përballur dje me një kërcënim serioz nga një person.

Sinjali mëson se bëhet fjalë për një shofer kamioni i cili dyshohet se pas një mosmarrëveshje me doganierin, i është vërsulur atij me një thikë në dorë, me qëllim që ta sulmojë.

Viktima ka denoncuar rastin në Polici, me ç’rast i dyshuari është arrestuar menjëherë dhe i është konfiskuar thika të cilën e posedonte.

Ai është shoqëruar në stacion policor për intervistim dhe me urdhër të prokurorit ndaj tij është iniciuar rasti ‘Sulm ndaj personit zyrtar’

(Kosova Sot Online)