E akuzoi se po thotë të pavërteta, kështu i përgjigjet ambasadori gjerman Petkoviqit

  • G.G /
  • 05 August 2022 - 14:34
E akuzoi se po thotë të pavërteta, kështu i përgjigjet ambasadori gjerman Petkoviqit

Pasi e akuzoi se po thotë të pavërteta për vendimin e qeverisë së Kosovës për reciprocitet në targa dhe dokumente, ambasadori gjerman në Kosovë i është përgjigjur Petar Petkoviqit.

Ambasadori gjerman në Kosovë, Jorn Rohde, i ka kthyer sot Petar Petkoviqit, që drejton një të ashtuquajtur “Zyrë për Kosovën” në Serbi. Por, jo me gjuhen që përdori zyrtari serb.

“I dashur, z. Petkovic, po, të gjitha marrëveshjet e Brukselit duhet të zbatohen. Për informatën tuaj: Kam deklaruar shumë herë se krijimi i Asociacionit të Komunave Serbe duhet të adresohet, frik e kam thënë në Televizion, në “Slobodno Srpski” dhe “Kallxo Përnime”, dhe në takimet biletareale me qeverinë e Kosovës në baza të rregullta”, ka shkruar sot ambasadori gjerman.

Para këtij shpjegimi të Rohdes, të enjten kishte reaguar Petkoviq, duke thënë se diplomati gjerman, të cilin e quante “përfaqësues”, nuk po e thoshte të vërtetën.

Petkoviq shpërndau në rrjetin social Tëitter shkrimin e ambasadorit gjerman, ku nga takimi që pati me Presidenten e Kosovës, Vjosa Osmani tha se shtyerja e vendimeve për targat dhe dokumentet hyrëse/dalëse janë legjitime.

“Përfaqësuesi gjerman në Prishtinë nuk po thotë të vërtetën! Si ndodh që shkelja e marrëveshjes dhe lëvizjet e dhunshme të @albinkurti të jenë legjitime? Sa është legjitime heqja e targave? Si ndodh që përfaqësuesi gjerman në Prishtinë heshti për këtë?”, shkroi Petkoviq.

Petkoviq shtoi se nuk ka mundësi që sic e quan ai ‘konfiskimi i dokumenteve personale të serbëve’ të jenë legjitime.

“Si ka mundësi që është legjitime konfiskimi i dokumenteve personale nga serbët në K&M? Ku e thotë kështu? Çfarë ndodhi me themelimin e Asocacionit të Komunave Serbe të cilën serbët e kanë pritur për gati 10 vjet, e cila është e vetmja gjë në përputhje me Marrëveshjen e Brukselit?”, tha ai.

Ai mori guximin edhe ta qortojë Gjermaninë, duke thënë se nuk bëri asgjë për themelimin e Asociacionit të Komunave Serbe.

“Pse Gjermania nuk bëri asgjë për Asocacionin? Përpara çdo interpretimi të njëanshëm, lexoni me kujdes marrëveshjet e mëparshme!”, shtoi ai.

Për pjesën e fundit, këtë të Asociacionit të Komunave Serbie, iu përgjigj Rohde sot. 

(Kosova Sot Online)