Vizita e presidentit të Shqipërisë në Kosovë, Policia del me njoftim

Gjatë vizitës së presidentit të Shqipërisë, Bajram Begaj, në Kosovë, Policia e Kosovës do të kujdeset për sigurinë dhe mirëmbajtjen e rendit dhe qetësisë publike në Kosovë.

Policia se ka njoftuar se për të mundësuar qarkullim të lehtë të eskortës zyrtare, do të bëhen ndërprerje të përkohshme të qarkullimit të trafikut (në intervale të shkurta kohore) në disa segmente rrugore.

“Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftim.

KOMUNIKATA PËR MEDIA

Me datën 14 deri 16 gusht 2022, në Republikën e Kosovës do të qëndrojë për vizitë zyrtare presidenti i Republikës së Shqipërisë, SH.T.Z Bajram Begaj, së bashku me një delegacion shoqërues të presidencës.

Policia e Kosovës, gjatë kësaj vizite do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë.

Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore), të disa segmenteve rrugore ku pritet të kalojë eskorta, si dhe në lokacione të caktuara ku parashihen të realizohen aktivitete zyrtare.

Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.

(Kosova Sot Online)