Lexoni edhe:
Pak ditë pasi e rehatuan në Kuvend, vdes gjenerali serb i dyshuar për krime lufte në Kosovë
Në ditën kur në Kosovë do të zbarkojnë dyshja Lajcak-Escobar për takime me krerët e shtetit e liderët e opozitës, në Beograd, Vuçiqit i ka shkuar në zyrë ambasadori amerikan, Christopher Hill, e ku kanë biseduar për takimin e Brukselit dhe datën 1 shtator, datë kjo kur pritet të futet në fuqi vendimi i Qeverisë së Republikës së Kosovës për targat dhe dokumentet e identifikimit.
Vuçiq në takim me Hill ka thënë se është e rëndësishme që Kosova t’i përmbahet marrëveshjes që “forcat speciale të Policisë së Kosovës të mos futen në veri pa pëlqimin e NATO-s dhe krerëve të komunave të banuara me shumicë serbe”.
Megjithatë, marrëveshja me NATO-n parasheh që Kosova duhet të kërkojë pëlqimin e aleancës veri-atlantike për hyrjen në veri vetëm për Forcat e Armatosura të Kosovës (FSK) dhe jo edhe për njësinë Speciale të Policisë së Kosovës.
Vuçiq gjithashtu ka kërkuar edhe implementimin e marrëveshjes për Asociacionin e Komunave më Shumicë Serbe.
“Presidenti Vuçiq i ka përcjellë ambasadorit Hill se serbët që jetojnë në Kosovë kërkojnë pa kushte formimin e Unionit të Komunave Serbe”, thuhet në komunikatën e presidencës serbe.
Në takimin e fundit të nivelit të lartë në Bruksel, që është mbajtur më 18 gusht, kryeministri i Kosovës, Albin Kurti, dhe presidenti i Serbisë, Aleksandar Vuçiq, nuk kanë arritur marrëveshje për këto çështje.
(Kosova Sot Online)