Lexoni edhe:
“Xhamadani vija vija”, Rama ia merr këngës në Austri: Me shqipet në malet e Europës
“Mos t’gjej ktu kur t’kthehna se t’vras”/ Vushtrriasi kërcënon me jetë bashkëshorten e tij, ajo kërkon ndihmën e Policisë
Shumë gra kosovare ndajnë jetën me burra të cilët ushtrojnë dhunë psikike e fizike ndaj tyre. Ato rrezikojnë jetët e tyre duke banuar nën një çati me burra që s’hezitojnë t’i kërcënojnë edhe me jetë ato.
Një rast i tillë ka ndodhur dje në fshatin Maxhunaj të Vushtrrisë, ku një burrë dyshohet se ka kërcënuar me jetë bashkëshorten e tij.
Sinjali mëson se rastin e ka denoncuar gruaja, e cila ka deklaruar se burri i saj teksa po dilte nga shtëpia mëngjesin e djeshëm, ka kërkuar nga ajo që të largohet nga shtëpia, në të kundërtën do ta vrasë nëse e gjen aty kur të kthehet.
Sipas saj, vazhdimisht kanë pasur probleme me bashkëshortin e saj, por që nuk e ka denoncuar më parë në Polici.
Njësitet policore me të marrë informatën kanë dalë në vendin e ngjarjes, mirëpo nuk kanë arritur që ta arrestojnë të dyshuarin, pasi që nuk dihet vendndodhja e tij.
Me urdhër të prokurorit është iniciuar rasti ‘Dhunë në familje’, ndërsa viktima ka shprehur dëshirën që të shkojë dhe të jetojë te familja e saj.
Kujtojmë që shumë raste të dhunës në familje kanë përfunduar tragjikisht në Kosovë, pasi thirrjet për ndihmë nga gratë hasën në vesh të shurdhër nga organet e sigurisë.
(Kosova Sot Online)
