EULEX del me detaje për punën e bërë në kërkim të personave të zhdukur

S.A /
30 August 2022 - 12:49

Në Ditën Ndërkombëtarë të të Pagjeturve, EULEX ka publikuar një përmbledhje të punës së bërë deri më tani.

Përmes një komunikate për media, EULEX ka thënë se “qëndrojnë pranë familjarëve të 1621 personave të zhdukur të Kosovës të cilët janë viktima të këtij krimi mizor dhe kanë të drejtë të dinë të vërtetën rreth fatit të më të dashurve të tyre”.

Lexoni edhe:

I zhveshur në hotel, del videoja e arrestimit të “boss-it” turk në Himarë

EULEX thotë se prej fillimit të mandatit deri më sot, kanë punuar për gjetjen dhe kthiin e mbetjeve mortore të personave të zhdukur tek familjet e tyre “për një varrim të respektuar dhe dinjitoz”.

EULEX njofton se deri më tani ka kryer 692 operacione në terren për gjetjen e personave të zhdukur, që përfshijnë 188 zhvarrime.

“Ndriçimi i fatit të personave të zhdukur është detyrë e vazhdueshme; që nga viti 2009, Misioni ka kryer gjithsej 692 operacione në teren për gjetjen e personave të zhdukur, që përfshijnë 188 zhvarrime. Mbetjet mortore të 480 individëve janë identifikuar, përfshirë 332 persona të zhdukur. Gjatë periudhës gusht 2021 – gusht 2022, ekspertët e EULEX-it morën pjesë në 21 operacione në teren, që kanë përfshirë nëntë zhvarrime. Kjo ka rezultuar në identifikimin e tre personave të zhdukur. Aktualisht ekspertët e EULEX-it janë po ashtu duke punuar me autoritetet e Kosovës për rishikimin e të gjitha mbetjeve mortore njerëzore që janë të ruajtura në morgun e Prishtinës, si dhe të dosjeve të ndërlidhura”, thuhet në komunikatë.

EULEX ka paraqitur numrin e të zhvarrosurve në pesë varreza:

EULEX thotë se pas luftës në Kosovë, ekspertë forenzikë ndërkombëtarë dhe vendas kanë gjetur numër të konsiderueshëm të personave të zhdukur në lokacione të ndryshme në Kosovë dhe Serbi si në vijim:

“EULEX-i është i përkushtuar të vazhdojë ofrimin e kontributit thelbësor për kërkimin e personave të zhdukur nga koha e luftës në Kosovë dhe pas tij. Ekspertët e EULEX-it vazhdojnë të punojnë bashkë me homologët vendas në Institutin e Mjekësisë Ligjore për gjetjen e fatit të personave të zhdukur përmes ekspertizës dhe këshillave për identifikimin e varrezave të mundshme klandestine dhe zhvarrimin e identifikimin e viktimave”, thuhet në komunikatë.