Deliu: Liria e vajzave dhe grave nuk duhet të jetë temë diskutimi

  • E.K /
  • 30 August 2022 - 19:06
Deliu: Liria e vajzave dhe grave nuk duhet të jetë temë diskutimi

Deputetja e Partisë Demokratike të Kosovës, Blerta Deliu, ka reaguar pas rastit të dhunimit të 11-vjeçares në Prishtinë nga pesë persona që tashmë janë arrestuar nga Policia e Kosovës.

Deliu ka thënë se po vazhdon justifikimi i përdhunimeve duke fajësuar lirinë e vajzave dhe grave.

“Fatkeqësisht, sidomos nëpër rrjetet sociale, vazhdojnë justifikimet e përdhununimeve duke fajësuar lirinë e vajzave dhe grave, motrave e nënave tona. Sipas logjikës së tyre, gruaja është preja legjitime e burrave grabitçar dhe shpëtimi i vetëm i tyre qëndron te kamuflimi, tek fshehja e ekzistencës! Duhet vazhduar pafundësisht së kërkuari nga mediat të mos i ofrojnë hapësirë gjuhës që promovon këtë logjikë, diskursit abuzues e përçmuese ndaj grave!”, ka shkruar Deliu.

Ajo ka thënë se liria e vajzave dhe grave të jetojnë me të gjitha të drejtat njerëzore nuk duhet asnjëherë të jetë temë diskutimi.

Njoftimi i plotë:

Përpjekjet për arsyetim të monstruozitetit

Fatkeqësisht, sidomos nëpër rrjetet sociale, vazhdojnë justifikimet e përdhunimeve duke fajësuar lirinë e vajzave dhe grave, motrave e nënave tona. Sipas logjikës së tyre, gruaja është preja legjitime e burrave grabitçar dhe shpëtimi i vetëm i tyre qëndron te kamuflimi, tek fshehja e ekzistencës!

Duhet vazhduar pafundësisht së kërkuari nga mediat të mos i ofrojnë hapësirë gjuhës që promovon këtë logjikë, diskursit abuzues e përçmuese ndaj grave!

Nëse diçka në këtë botë s’ka çmim – është liria!

Liria e vajzave dhe grave të jetojnë me të gjitha të drejtat njerëzore nuk duhet asnjëherë të jetë temë diskutimi! 

(Kosova Sot Online)