Kapen në flagrancë dy persona për fajde në Gjilan, dyshohet se përvetësuan 800 mijë euro dhe vetura të shtrenjta

  • E.K /
  • 31 August 2022 - 16:25
Kapen në flagrancë dy persona për fajde në Gjilan, dyshohet se përvetësuan 800 mijë euro dhe vetura të shtrenjta

Sot Prokuroria Themelore ne Gjilan, ka ndaluar për 48 orë të dyshuarit N.S dhe A.S, për shkak të dyshimit të bazuar se të njëjtit kanë kryer veprat penale “Fajdeja” dhe “Detyrimi”, të kryera në bashkëveprim në dëm të dëmtuarve A.M dhe E.M, që të dy nga Gjilani.

Sipas prokurorisë” të pandehurit N.S dhe A.S, në bashkëkryerje kanë shfrytëzuar pa përvojën e viktimave dhe gjendjen e tyre materiale, duke i detyruar të dëmtuarit të veprojnë në dëm të pasurisë së tyre dhe  i kanë sjellë në gjendje të rëndë financiare, ashtu që fillimisht u’a japin shumën prej pesëdhjetë mijë (50000) euro me fajde dhe në vazhdimësi u kanë bërë presion që viktimat të ua paguajnë interesin – kamatën prej 20% mujore, duke përvetësuar shumën e parave në vlerë rreth tetëqind mijë (800,000.00) euro si dhe automjetet e markave Range Rover, Mercedes dhe Tiguan, në vlerë rreth pesëdhjetë mijë (50000) euro” njofton prokuroria.  

“Të njëjtit janë arrestuar në flagrancë, duke noterizuar kontratën kinse për shitblerjen e një parcele, e që në fakt ka qenë e njëjta parcelë që është marr në emër të fajdesë”, thuhet në njoftimin e prokurorisë.

Lidhur me këtë rast, Prokurori i Shtetit, brenda afatit ligjor do të ushtrojë kërkesë për caktimin e masës së paraburgimit pranë Gjykatës Themelore në Gjilan.

(Kosova Sot Online)