Lexoni edhe:
Rasti i 11-vjeçares: Kurti u kthehet prokurorëve dhe gjyqtarëve, pyet se ku është morali i tyre
Flinin mbi flori: Shokohet çifti nga zbulimi që bënë nga rinovimi i dyshemesë së shtëpisë së tyre
Një çift me fat gjeti një sasi të konsiderueshme monedhash floriri 400-vjeçare, të cilat mund t’ju sigurojnë një rrogë prej çerek milionë Paundësh.
264 monedhat u zbuluan teksa ata kishin nisur me rinovimin e dyshemesë së shtëpisë së tyre në Jorkshajrin verior. Ndërsa ngritën dërrasat e dyshemesë në shtëpinë që i përket shekullit XVIII, u habitën kur panë një enë balte me madhësinë e një kanaçeje pijeje.
Kur ekspertët e ekzaminuan, çifti zbuloi se kishin fjetur mbi një pasuri prej 250 mijë Paundësh përgjatë dekadës së shkuar. Monedhat u zbuluan në vitin 2019, por tashmë mund të dalin në ankand.
Një monedhë ari me George I është një nga ato që ka tërhequr më shumë vëmendjen pasi ka një gabim në prodhimin e saj. Monedha nuk ka fytyrën e mbretit të gdhendur në të, pra të dyja anët janë ‘pilë’ dhe pritet të kushtojë rreth 4000 Paund.
Një monedhë e Charles II nga viti 1675 ka një gabim në drejtshkrim pasi emri latin i mbretit është shkruar gabim. Kjo monedhë pritet të arrijë vlerën 1500 Paund. Gjetja e këtyre monedhave është konsideruar një nga zbulimet më të mëdha arkeologjike në Britani.
(Kosova Sot Online)
