Këta janë dy personat që u kapën me mbi 18 kilogramë drogë në Gjilan
Policia e Kosovës në koordinim me Prokurorinë Themelore në Gjilan dje ka zhvilluar një operacion policor të koduar me emrin “VERA 22”, që ka rezultuar me arrestimin e dy personave të dyshuar dhe sekuestrimin e mbi 18 kg lëndë narkotike.
Sinjali mëson ekskluzivisht se të arrestuarit janë Shyqyri Hasani 42-vjeçar dhe Lavdrim Alidemaj 24-vjeçar.
Veturat e dy të dyshuarve janë ndalur nga Policia në fshatin Bresalc, ku njëri nga të dyshuarit me të parë zyrtarët policorë ka tentuar që me shpejtësi të ikë nga vendi i ngjarjes, duke goditur veturën zyrtare të Policisë. Si pasojë e kësaj, atij i është pamundësuar ikja nga organet e rendit.
Përmes një komunikate për media, Policia ka njoftuar se në të njëjtën veturë kanë hasur në substanca narkotike me peshe prej 15 kg 300 gr. marihuanë.
Si vazhdimësi e operacionit janë kontrolluar shtëpitë dhe objektet e personave të dyshuar, ku gjatë kontrollit janë sekuestruar gjithsej dëshmi materiale si në vijim;
18 kg 246.9 gr substancë e dyshuar narkotike e llojit Marihuanë,
2 vetura me targa vendore,
355 euro,
2 telefona,
“Të gjitha dëshmitë janë fotografuar dhe janë tërhequr nga njësiti i Krim Teknikes, përderisa antidroga është asistuar edhe nga njësitë regjionale. Me vendim të prokurorit kompetent personave të dyshuar u është caktuar masa e ndalimit”, thuhet në komunikatën e PK-së.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
(Kosova Sot Online)