Lexoni edhe:
Grupet me uniforma në veri që i përmendi Vuçiq, Sveçla: Po, ishin të armatosur, kanë hyrë prej Serbisë
Vetëvrasja e 19-vjeçares në Mitrovicë, paralajmërohet protestë para Gjykatës së Mitrovicës
Me iniciativë të prindërve të B.Y, 19-vjeçare, e cila për shkak të kërcënimeve nga fejuari i saj përfundoi në vetëvrasje, të premten do të organizohet protestë nga ora 12:00 para Gjykatës Themelore në Mitrovicë.
“Përmes protestës ne iu bëjmë thirrje institucioneve gjegjëse që ta trajtojnë drejt dhe me prioritet rastin e Betinës dhe t’i jap ndëshkim meritor personit që e shtyri drejt vdekjes atë. Dhuna sistematike të cilën e ka përjetuar Betina është një nga realitetet me të frikshme të cilën e jetojnë shumë vajza e gra në Kosovë, dhunë kjo e cila ushqehet nga të gjitha institucionet publike e private që vazhdojnë ta normalizojnë dhe amnistojnë dhunën me bazë gjinore”, thuhet në komunikatën drejtuar medieve nga aktivistja Neri Ferizi.
“Ky sistem e kjo mendësi duhet të ndryshojë. Andaj, ne ngrihemi në këmbë të premtën për të kërkuar drejtësi për Betinën dhe siguri për të gjitha vajzat dhe gratë në Kosovë. Mos të dodhë më edhe një vetëvrasje, mos të tolerojmë më as edhe një kërcënim ndaj vajzave, mos të humbet as edhe një jetë më shumë”, vijon më tej komunikata.
Protesta mbahet para Gjykatës Themelore në Mitrovicë, nga ora 12:00 me datë 16 shtator.
(Kosova Sot Online)
