Lexoni edhe:
Dhunohet një 18-vjeçare në Ferizaj, i dyshuari 42-vjeç me të kaluar kriminale
Dhunimi i 18-vjeçares në Ferizaj/ Kërkohet paraburgim për të dyshuarin
Një 18-vjeçare dyshohet se ka qenë viktimë e dhunimit në Ferizaj. Lidhur me rastin është arrestuar dje një 42-vjeçar, i cili me urdhër të prokurorit është dërguar në ndalim për 48-orë.
Për këtë rast ka kontaktuar kryeprokurorin e Prokurorisë Themelore të Ferizajt, Shukri Jashari.
Jashari nuk dha shumë detaje për rastin, por tha se gjatë ditës pritet të bëhet kërkesa për caktimin e paraburgimit ndaj të dyshuarit.
“Rasti dyshohet se ka ndodhur në Ferizaj, një i dyshuar është ndaluar për 48 orë. Gjatë ditës pritet të bëhet kërkesa për caktimin e paraburgimit”, tha Jashari.
Fillimisht rastin e dhunimit e ka konfirmuar Basri Shabani, drejtor i policisë rajonale në Ferizaj.
Shabani tha se i dyshuari është i lindur në vitin 1980, ndërsa viktima është e lindur në vitin 2004.
I dyshuari është arrestuar të dielën dhe me vendim të prokurorit është dërguar në mbajtje për 48 orë.
“Ka ndodh një dhunim. I dyshuari është ndaluar për 48 orë me urdhër të prokurorit. I dyshuari është me të kaluar kriminale”, tha Shabani.
I pyetur se për sa kohë dyshohet se 18-vjeçarja ka qenë viktimë e dhunimit, ai tha “hetuesit janë duke punuar në atë drejtim”.
(Kosova Sot Online)
