Vuçiq thotë se po i dhemb koka nga dialogu
Ish-ministri për Kosovën, Sllobodan Samarxhiq, ka thënë se s’është hera e parë që presidenti i Serbisë thotë se ka kokë dhimbje si rezultat i procesit të dialogut. Këtë deklaratë Samarxhiq e ka bërë teksa ka komentuar deklarimet e Vuçiqit për të ashtuquajturën “kornizë të re” të dialogut, e cila sot u demantua nga Qeveria Gjermane.
“Ju keni gjysmë informacione. Ka një koincidencë mes asaj që tha Vucic dje dhe disa ditë më parë, këshilltarët propozuar një ri përforcim. Ka të bëjë me presion në letër. Kjo është një fazë e re e të njëjtës temë, s’ka asgjë të re”, ka thënë Samarxhiq, shkruan N1.
Tutje Samarxhiq ka thënë se “nuk i intereson fare nëse Vuçiq ka kokë dhimbje” meqë sipas tij “Ai (Vucic) mund të durojë më shumë se një titan”.
Lidhur me këtë deklaratë të Vucic ka folur edhe eksperti për Ballkanin Perëndimor, Florian Bieber.
“Unë kisha pritje ta lexoja të gjithë tekstin, ata vetëm kanë publikuar një draft, që duket si non-paper. Serbia aty do të deklarohet si lider rajonal, një vend s’mund të deklarohet. Unë dyshoj që ne vërtetë kemi lexuar një propozim. Është e qartë që disa pika janë reale, që potencialisht mund të jenë në propozim”, ka thënë Bieber.
“Vuçiq thotë se ai ka vuajtur nga Perëndimi për vite me radhë dhe se ata po e torturojnë atë, është një farsë, nuk është e vërtetë, askush nuk e kërcënon Serbinë me sanksione, këto janë trillime, që i përshtaten. Ne nuk kemi pse ta besojmë, nuk besoj se Bashkimi Evropian ka një interes për zgjidhjen e kësaj çështje përmes sanksioneve. Pëlqimi i Serbisë është i nevojshëm, nuk është e mundur të bëhet nga presioni, duhet të ofrohen disa marrëveshje, ajo nuk mund të zgjidhet përmes status quo -së dhe konfliktit të ngrirë. Unë nuk besoj se dokumenti pasqyron realitetin, gazeta shqiptare botoi pikët, ne nuk e dimë se çfarë është shkruar atje, unë dyshoj se do të ketë ndonjë zgjidhje pa zgjidhje për komunat serbe, është e qartë se duhet të jetë pjesë e Marrëveshjes”, ka përfunduar Florian Biber.
(Kosova Sot Online)
