Edhe një zyrtar rus vdes

  • A.P /
  • 23 September 2022 - 17:37
Edhe një zyrtar rus vdes

Ish-rektori i Institutit të Aviacionit të Moskës (MAI) ka vdekur, sipas një deklarate nga organizata, mes një varg vdekjesh misterioze të fundit të zyrtarëve dhe drejtuesve të lartë rusë.

Anatoly Gerashchenko “vdiq në një aksident” më 21 shtator 2022 dhe kishte shërbyer si rektor i institutit nga 2007 deri në 2015, sipas faqes së internetit të MAI.

Ai kaloi 45 vjet të jetës së tij në organizatë, duke u ngjitur në institut dhe ishte “Doktor i Shkencave Teknike, Profesor dhe Këshilltar i Rektorit të MAI”, citon CNN-i të premten njoftimin e faqes së MAI-s.

Faqja e internetit e institutit shtoi se tani është formuar një komision për të hetuar incidentin, i cili do të përfshijë përfaqësues nga Ministria e Arsimit dhe Shkencës, Inspektorati Shtetëror i Punës dhe MAI.

Gerashchenko është të paktën rusi i dhjetë me ndikim që thuhet se ka vdekur nga vetëvrasja ose në aksidente të pashpjegueshme që nga fundi i janarit, me të paktën gjashtë prej tyre të lidhur me dy kompanitë më të mëdha të energjisë ruse.

Katër nga ata gjashtë ishin të lidhur me gjigantin energjetik shtetëror rus Gazprom ose një nga filialet e tij, ndërsa dy të tjerët ishin të lidhur me Lukoil, kompania më e madhe private e naftës dhe gazit në Rusi.

(Kosova Sot Online)