‘Ministri i vizave’ nga Çekia nesër në Kosovë, e pret Presidentja Osmani

Presidentja  e Kosovës, Vjosa Osmani, nesër do ta pres në takim ministrin e Punëve të Jashtme të Çekisë, Jan Lipavsky.

Takimi do të fillojë në orën 12:00.

“Në orën 12:00, Presidentja e Republikës së Kosovës, Vjosa Osmani Sadriu, pret në takim ministrin e Punëve të Jashtme të Çekisë, Jan Lipavský. Mediat mund të marrin pamje në fillim të takimit”, thuhet në njoftimin e Presidencës.

Çekia e ka Presidencën e Bashkimit Evropian, ndërsa është raportuar se në Këshill Evropian më 13 tetor do të diskutohet për liberalizimin e vizave për Kosovën.

(Kosova Sot Online)