Vodhi paratë e bamirësisë nga dy xhami, arrestohet 27-vjeçari nga Kosova

Policia e Kosovës kanë arritur ta kapin një person nën dyshimet se vodhi para nga arkat ku qytetarët dhurojnë për bamirësi në dy xhami, njëra në fshatin Carralevë dhe tjera në Shtime.

Pas një pune të gjatë hetimore, Policia kanë arrestuar autorin e këtyre vjedhjeve

“Pas një pune hetimore, grumbullimit të informacioneve në terren, hetuesit kanë arritur që të identifikojnë të dyshuarin dhe vendin e ndodhjes së tij , me inicialet S.M (M/K) i moshës 27 vjeçar, të cilin sot me datën 29.09.2022 rreth orës 17:00 e kanë arrestuar nën dyshimin se ka kryer veprën penale të vjedhjes së rëndë”, thuhet në njoftim.

Njoftimi i plotë:

Arrestohet një person për vjedhje të rëndë në Shtime

Me datën 26.01 2022, rreth orës 21:20 Policia Stacionit në Shtime kishte pranuar një informacion se në dy objekte fetare, në Xhamitë e fshatit Carralevë dhe në Lagjen e Pajtimit në Shtime, ishin vjedhur para nga arkat ku qytetarët i dhurojnë për bamirësi.

Hetuesit e stacionit të policisë në Shtime nën autorizim të Prokurorit kujdestar nga Prokuroria Themelore në Ferizaj, i kishin marrë veprimet e nevojshme dhe kishin nisur hetimet.

Pas një pune hetimore, grumbullimit të informacioneve në terren, hetuesit kanë arritur që të identifikojnë të dyshuarin dhe vendin e ndodhjes së tij , me inicialet S.M (M/K) i moshës 27 vjeçar, të cilin sot me datën 29.09.2022 rreth orës 17:00 e kanë arrestuar nën dyshimin se ka kryer veprën penale të vjedhjes së rëndë.

I dyshuari është shoqëruar në stacionin e policisë në Shtime dhe pas intervistimit nga hetuesit policor, me vendim të Prokurorit të rastit, është liruar për procedurë të rregullt hetimore, ndërsa rasti është cilësuar “Vjedhje e rëndë”.

(Kosova Sot Online)