Lexoni edhe:
Vdes 80 vjeçari që u godit nga makina në fshatin Vragoli
Vuçiq përplaset me gjermanët për Asociacionin – “Ata kanë marrë vendime për disa plane”
Emisari i Gjermanisë për Ballkanin Perëndimor, Manuel Sarrazin, e ka bërë të qartë se nuk do të pranojnë një Asociacion në Kosovë që e krijon një Republika Srpska, duke nxitur palën kosovare që të mos ketë frikë të diskutojë për këtë temë në dialog.
“Skenari më i keq dhe i gabuar ndonjëherë mund të jetë krijimi i një Republika Srpska të re, gjë që nuk është në interesin e askujt. Ne nuk do ta pranojmë një rezultat të tillë”, tha Sarrazin në një intervistë për Euronews Albania.
Kësaj deklarate që s’i pëlqeu i është përgjigjur presidenti serb nga Sofja e Bullgarisë. Aleksandar Vuçiq tha se është interesant fakti që Sarazin thotë se nuk do të lejojnë Republikën Srpska të re në Kosovë, duke shtuar me ironi: “Kam menduar se e kanë vendosur serbët dhe shqiptarët, jo gjermanët”.
“Por është mirë që Manuel Sarrazin e tha publikisht, pasi gjermanët kishin vendosur tashmë për disa plane”, tha Vuçiq pa specifikuar më tej se për çfarë planesh ishin.
Duke thënë se e vlerëson shumë Sarrazinin, Vuçiq i dha edhe një mesazh tjetër për Kosovën.
“Nuk do të ketë as Kosovë të pavarur siç e planifikoni. Tani mirë – e kuptova mesazhin tuaj dhe shpresoj që edhe ju ta kuptoni mesazhin tim”, tha Vuçiq.
(Kosova Sot Online)
