Lexoni edhe:
Dy vite mandat të qeverisjes së mirë dhe reforma në drejtësi, Qeveria fiton nga BE 5.25 mil. €
Këshilli i Prindërve-SBASHK-ut: Pas 5 javësh grevë, pyeteni veten se a ndjeheni krenarë
Pas pezullimit të grevës, Këshilli i Prindërve ka reaguar duke thënë se pas pesë javësh greve, drejtuesit e SBAShK-ut, por edhe anëtarët e sindikatës, “e kanë për përgjegjësi, së paku njerëzore, ta pyesin vetën e njëri-tjetrin: a ia ka vlejtur dhe a mund të ndjehen krenarë me grevën?”.
Këshilli i Prindërve ka reaguar me rastin e pezullimit të grevës në arsim. Me anë të një postimi, Këshilli i Prindërve kanë rikujtuar kërkesat që kishin nga SBAShK-u.
“Dy kërkesa i kishim: 1) Festa e 1 Shtatorit mos t’iu prishët nxënësve sepse për klasën e parë (sidomos) është kujtim jetësor e domethënës për gjithë vitin shkollor, dhe 2) Që SBASHK-u mos të hyjë në grevë të plotë e të paafat, se kjo masë është shumë ekstreme dhe e padrejtë ndaj fëmijëve por e dëmshme edhe për vetë SBASHK-un”, thuhet në njoftimin e Këshillit të Prindërve.
Në njoftimin e Këshillit të Prindërve thuhet se “kërkesën e parë na e patën refuzuar pa iu dridhur qerpiku. Për të dytën na thanë “nuk kemi nevojë për këshilla se si bëhet veprimi sindikal – e dimë fort mirë këtë”.
Këshilli i Prindërve ka përfunduar duke shtuar se pas pesë javësh greve, drejtuesit e SBAShK-ut, por edhe anëtarët e sindikatës, “e kanë për përgjegjësi, së paku njerëzore, ta pyesin vetën e njëri-tjetrin: a ia ka vlejtur dhe a mund të ndjehen krenarë me grevën?”.
(Kosova Sot Online)
