Lexoni edhe:
Nagavci për diplomën me notën 6.46: Këto studime i kam kryer për qejf, në kohën kur kam qenë nënë
Nuk e dorëzojmë Kosovën, thotë “Milloshi i ri”
Millosh Jovanoviç, lideri i partisë serbe të ekstremit të djathtë – Partia e Re Demokratike e Serbisë (DSS) – ka folur përsëri kundër Kosovës.
Ai ka deklaruar se “nëse Serbia e dorëzon Kosovën për shkak të dobësisë së saj, do t’i hapen një sërë çështjesh të tjera territoriale”.
“Nëse e dorëzojmë Kosovën, nuk kemi më shtet, nuk kemi ekonomi, nuk kemi asgjë – kemi destabilitet për 50 vitet e ardhshme”, ka thënë Jovanoviç, transmeton mediumi serb “Danas”.
Por, ligjërimi i tij vajtues etno-nacionalist nuk ndalet me kaq.
Jovanoviç shtoi se “Kosova nuk duhet pyetur për asgjë dhe nuk është e rëndësishme se kush, çfarë dhe sa do, por vullneti i Serbisë që të mos e njohë kurrë shkëputjen e Kosovës”.
“Shqiptarët janë qytetarë të Serbisë dhe se si të tillë do të trajtohen dhe se është paraparë autonomi thelbësore, e cila asnjëherë nuk u është hequr”.
Kujtojmë se kjo parti ka hapur zyra edhe në Kosovë, në pjesën Veriore të Mitrovicës.
Kryetari i saj, Millosh Jovanoviç, në hapje kishte deklaruar se “askush nuk guxon të mendojë për ta dorëzuar Kosovën, djepin e Serbisë”.
Madje, ai u ka thënë simpatizantëve të tij, që ishin të pranishëm në hapje të zyrës, se ai e di rrugën “drejt kthimit të Kosovës brenda Serbisë”.
(Kosova Sot Online)
