Lexoni edhe:
Sigurimet shëndetësore, dy dekada ‘fjalë të thata’
“Do ju vras dhe më pas do ju djeg me benzinë”, dënohet në Greqi me burg shqiptari që dhunonte familjen
Një shqiptar në Greqi është dënuar nga gjykata e Volosit deri në 7.5 vite burg pasi kishte dhunuar ish- bashkëshorten dhe fëmijët e tij. Bëhet fjalë për shqiptarin 46-vjeçar, biznesmen në Volos që i vuri thikën në qafë vjehrrit, i cili mori benzinë për të djegur gruan dhe babanë e saj dhe kërcënoi një prokuror.
Në “emër të dashurisë” për fëmijën e tij të mitur, ai tërhoqi zvarrë dhe rrahu gruan dhe vjehrrin, ndërsa u deklarua një rast psikiatrik dhe narkoman, duke kërkuar alibi për veprimet e tij.
Mbrëmë vonë ai ka telefonuar nga burgu në shtëpinë e vjehrrit të tij dhe u ka thënë: “Sa të mbarojë gjykata do të dal dhe për pesë minuta kudo që fshiheni do t’ju gjej dhe do t’ju vras”.
Të premten ai u dënua me 40 muaj burg për dy incidente. Në njërën, ai është ngjitur mbi kangjellat e shtëpisë së ish-vjehërrve, ku jetojnë edhe ish-bashkëshortja dhe fëmija i tij dhe ka nisur të bërtasë, duke i kërcënuar se do t’i djegë të gjallë dhe duke tentuar të futet në shtëpi. Fatmirësisht ish-bashkëshortja dhe fëmija kishin ikur te një i afërm. Ai goditi vjehrrën në këmbë dhe vjehrrit i vuri thikën në qafë. Në makinën e tij u gjet një shishe plastike e mbushur me benzinë.
Kujtojmë se ai kishte kërcënuar edhe prokurorin që ka trajtuar vetë çështjet e tij.
(Kosova Sot Online )
