Lexoni edhe:
Për të njëjtat çështje, Lajçak do të shkojë të hënën në Beograd
Qytetarët të pashprese: Nuk besojmë se na liberalizohen vizat
Çështja e liberalizimit të vizave për Kosovën është temë diskutimi në takimin e grupit punues të Këshillit të Evropës. Në Këshill diskutohet për të parë se a ka mbështetje nga shtetet anëtare dhe se a mund të lëvizet përpara.
E në lidhje më këtë qytetarët po shprehen se liberalizimi edhe mund të ndodh, por sipas tyre BE-ja është fajtore që ky proces është shtyrë me vjet.
Faik Hoxha, tha se shpreson që Evropa kësaj radhe do të vendos që Kosovës t’i hiqen vizat.
“Po shpresojmë që do të hiqen vizat, na me shpresë po jetojmë që disa vite edhe tash me humbur shpresën nuk bënë. Shpresojmë që Evropa kësaj radhe do të vendos definitivisht çështjen e heqjes së vizave për qytetarët”, tha ai.
Nazmi Halimi, tha se i gëzohet faktit se është duke u biseduar për heqjen e vizave pasi sipas tij, Kosova duhet të dalë nga ky izolim i pa merituar.
Ai po ashtu shtoi se Evropa duhet të jetë unike rreth Kosovës.
“Mendoj që në shqiptarët kemi kuptuar edhe më herëte se Evropa është hetorogjene, më në fund i gëzohemi faktit që ka arrit një unitet Evropian dhe Kosova të dalë nga ky izolim i pa merituar edhe i pa shpallur, sepse Kosova është kampion në lamin e të drejtave të njeriut e demokratizimit, kështu që kjo është një ngjarje e vonuar por shumë pozitive për Kosovën dhe për rajonin. KE mendoj që e merr vendimin definitiv dhe janë pak ditë nga ky debat në Parlamentin Evropian edhe institucionet e Evropës që do të merret edhe vendimi definitiv”.
“Evropa është heterogjene, faji është i shumë anshme nuk është vetëm i një shteti ose dy. Evropa duhet të jetë unike rreth Kosovës”, tha ai.
Lule Krasniqi u shpreh se mosliberalizimi i vizave është shumë i pa drejtë dhe i vonuar.
Ajo ndër të tjera shtoi se Evropa nuk e ka bërë liberalizimin e vizave për shkak se populli i Kosovës është shqiptarë.
“Mendoj që janë vonuar shumë, kanë qenë tepër të pa drejt ndaj neve si Kosovë. Faktorët sigurisht Serbia ka pasur shumë forcë me na pengu kaq shumë. Ne e kemi merituar liberalizimin qysh në vitin 2008 ose 2006 kur është kryer misioni i UNMIK-u. Jemi të shkelur që nuk po na donë Evropa”.
“Nuk mërzitem a bëhet a nuk bëhet e kanë dëshpëruar popullin aq shumë sa që është turp me thënë që jemi në Evropë. Nuk e meriton Evropa me i respektuar Evropën. Na kanë ndihmuar me shpëtuar nga lufta, do të thotë kanë kryer vetëm punën emergjente, punën tjetër nuk na kanë përkrahur si duhet, mendoj se jemi shqiptarë na kanë bërë këtë”, tha Krasniqi.
(Kosova Sot Online)
