Lexoni edhe:
Detaje të rënda të vrasjes së biznesmenit Bedri Rexhepi, të dyshuarit nuk përdorën armë zjarri
Pas deklaratës së Osmanit “jemi të gatshëm ta intensifikojmë dialogun”, Petkoviq e kërkon Asociacionin
Drejtori i së ashtuquajturës “Zyre për Kosovën”, në Qeverinë e Serbisë, Petar Petkoviq e ka mirëpritur deklaratën e presidentes së Kosovës, Vjosa Osmani që “do të angazhohen që ta intensifikojnë dialogun me Serbinë”.
Por tash Petkoviqi kërkon që Kosova ta themelojë Asociacionin e Komunave me Shumicë Serbe – diçka që institucionet kosovare e refuzojnë.
E rritja e dinamikës së dialogut Kosovë-Serbi ka qenë kërkesë direkte e Gabriel Escobar, emisar i Shteteve të Bashkuara të Amerikës për Ballkanin Perëndimor. Ai sot e ka vizituar Kosovën ku pos me Osmanin u takua edhe me kryeministrin Albin Kurti ku përmbajtja e bisedës ishte po e njëjta.
Nga mesazhi që sot e mori Osmani dhe Kurit është shprehur i kënaqur.
“Ne ishim të kënaqur që morëm mesazhin nga Albin Kurti dhe Vjosa Osmani se Prishtina është e gatshme të intensifikojë dialogun. Se sa konstruktive ishte Prishtina në këtë ilustrohet më së miri nga fakti se ajo refuzoi formimin e Asociacionit për 3470 ditë. Filloni të intensifikoheni nga atje. Jepni rezultate në vend të gjuhës së urrejtjes!” Petkoviq ka shkruar në Twitter.
“(Gjykata Kushtetuese) konstaton që akti juridik i Qeverisë së Republikës së Kosovës dhe Statuti që implementon Parimet, për të qenë në pajtueshmëri me frymën e Kushtetutës, me nenin 3 [paragrafi 1, me Kapitullin II dhe III, duhet të plotësojnë standardet kushtetuese dhe duhet të jenë në pajtueshmëri posaçërisht me nenet 3, 7, 12, me Kapitullin II [Të Drejtat dhe Liritë Themelore], me nenet 21 dhe 44, me Kapitullin III [Të Drejtat e Komuniteteve dhe Pjesëtarëve të tyre” , thuhej në vendimin e Gjykatës Kushtetuese.
Por Beogradi kërkon me këmbëngulje që kjo marrëveshje të zbatohet. Kryeministri Kurti disa herë e ka thënë se “asociacion një-etnik nuk do të ketë”.
E në lidhje me procesin e dialogut është përfshirë edhe sekretari amerikan, Antony Blinken që më 11 tetor e ka thirrur në telefon Kurtin dhe presidentin serb, Aleksnadër Vuçiq.
Kishte kërkuar nga të dytë të njëjtën që e kërkoi sot Escobari, pra “dialogu të bëhet më dinamikë”.
(Kosova Sot Online)
