Dyshohet se dy asamblistë të VV’së në Podujevë janë përleshur fizikisht, policia i çon në stacion

Tensione dhe përplasje ka pasur sot në afërsi të objektit të Komunës së Podujevës rreth orës 11:00. Zëdhënësja e Policisë për rajonin e Prishtinës, Flora Ahmeti se i kanë shoqëruar dy persona të përfshirë.

“Rreth orës 11:00 jemi  informuar se ka nje mosmarrveshje ne afërsi të objektit të komunës së Podujevës. Njësia policore ka dalë në vendngjarje ku per intervistim ka shoqeruar ne stacion policor dy  persona të përfshirë në këtë ngjarje e cila është duke u trajtuar në koordinim me prokurorin e shtetit”, tha Ahmeti.

Media  ka marrë vesh se ka pasur përplasje mes Ragip Fetahut dhe Artrit Mulliqit, dy asamlistëve të Lëvizjes Vetëvendosje.

Seanca e sotme e Kuvendit Komunal, në të cilën ishte paraparë raportimi i komandantit të Stacionit Policor të Podujevës është ndërprerë në gjysmë për shkak të tensioneve.

Lexoni edhe:

Çka po kërkojnë ndërkombëtarët nga Kosova për të ecur përpara plani franko-gjerman?

Zëdhënësi i Komunës, Fatri Zhitia, i ka akuzuar asambleistët e LDK-së se e “bllokuan” seancën.

“S’ka mbërri deri te ajo pikë me u diskutu, për shkak se seanca është blloku nga asambleistet e Lidhjes Demokratike te Kosoves, per shkak te nje pakenaqesie”, tha ai.

I pyetur për përleshjen, ai u përgjigj. “Unë kam qenë në seancë të Kuvendit. Aty nuk ka pasur përleshje”.

(Kosova Sot Online )