Lexoni edhe:
Koreja e Veriut lëshon edhe një raketë balistike
Presidenti Biden ka një paralajmërim serioz: Demokracia e SHBA-ve është në rrezik, fajin e ka Trumpi
Pak ditë para zgjedhjeve të mes mandatit në SHBA, presidenti Biden ka deklaruar se demokracia në vend po cenohet për shkak të politikanëve që refuzojnë të pranojnë vullnetin e popullit.
Kreu i shtëpisë së bardhë mori si shembull ish-presidentin Donald Trump, i cili nuk pranoi rezultatet e zgjedhjeve të vitit 2020 dhe më mashtrimet e tij frymëzoi një situatë kaotike dhune.
“Të gjithë votuesit duhet të ushtrojnë të drejtën e tyre javën e ardhshme dhe të përballen me gënjeshtrat, dhunën dhe përçarësit e rrezikshëm të zgjedhjeve që përpiqen të kenë sukses aty ku dështuan më 2020. Kjo nuk është koha për të qëndruar mënjanë. Heshtja është bashkëpunim. Trump shpërdoroi pushtetin e tij dhe vuri besnikërinë ndaj vetes para besnikërisë ndaj Kushtetutës.”
Duke u ndalur të sulmi ndaj bashkëshortit të Kryetares së Dhomës së Përfaqësuesve, Nancy Pelosi, biden nënvizoi se gënjeshtrat e Trump për zgjedhje të manipuluara kanë “ushqyer rritjen e rrezikshme të dhunës politike dhe frikësimit të votuesve gjatë dy viteve të fundit”.
Teksa vuri në dukje se këto janë zgjedhjet e para federale që nga trazirat e 6 janarit 2021 dhe përpjekjet e ish presidentit republikan për të përmbysur rezultatin e zgjedhjeve presidenciale të vitit 2020, Biden u bëri thirrje votuesve që të mos mbështesin kandidatët që nuk janë të gatshëm të mbështesin vullnetin e tyre.
Shumë amerikanë mbeten pesimistë për gjendjen e demokracisë amerikane. Një sondazh i tetorit nga Qendra për Kërkime për Çështjet Publike zbuloi se vetëm 9 për qind e të rriturve mendojnë se demokracia po funksionon “jashtëzakonisht” ose “shumë mirë”, ndërsa 52 për qind thonë se nuk po funksionon mirë.
(Kosova Sot Online )
