Vuk Jeremiqit iu ndalua hyrja në Kosovë, thonë nga partia e tij
Partia Popullore e Serbisë, ka njoftuar se Kosova i ka ndaluar hyrjen kryetarit të partisë, Vuk Jeremiq.
Kjo parti, ka njoftuar se ai është ndaluar në kufi nga autoritet e Kosovës, transmeton "Kosova Sot Online".
“Partia Popullore është një nga organizatat e pakta politike në Serbi që guxoi të formonte një Komitet Krahinor real dhe funksional në Kosovë. Politika jonë është e qartë: Kosova dhe Metohia është pjesë e patjetërsueshme e Serbisë. Kthimi i administratës provinciale në rendin kushtetues dhe juridik të Serbisë duhet të jetë synimi afatgjatë i çdo qeverie të përgjegjshme, sado e vështirë të duket në dritën e rrethanave aktuale. Duhet pasur parasysh se edhe rrethanat historike në të cilat u gjend populli serb ishin dukshëm më të vështira, si dhe se marrëdhëniet në botë janë subjekt i ndryshimit”, thuhet në komunikatë.
(Kosova Sot Online)