Zëdhënësi i Kremlinit konfirmon se Putin do të anashkalojë samitin e G20
Sipas Peskov, vetë Putini e mori një vendim të tillë gjoja "për shkak të orarit të tij dhe nevojës për të qëndruar në Rusi", transmeton gazeta “Kosova Sot Online”
Zëdhënësi i Kremlinit shtoi se diktatori gjithashtu nuk ka në plan t'u drejtohet pjesëmarrësve të samitit me video, siç raportohet nga media ruse RBC.
Deklarata e Peskov për mospjesëmarrjen e Putinit në samitin e G20 në Indonezi erdhi pas një humbjeje tjetër ruse në Ukrainë – tërheqja e tyre nga bregu i djathtë i lumit Dnipro në rajonin Kherson.
Më parë, presidenti indonezian Joko Widodo ftoi presidentin ukrainas transmeton gazeta “Kosova Sot Online”, Volodymyr Zelenskyy të marrë pjesë në samitin e G20. Udhëheqësi ukrainas nga ana e tij tha se shpresonte që asnjë përfaqësues rus nuk do të merrte pjesë në samit.
Ai tha gjithashtu se formati i pjesëmarrjes së tij do të varet nga situata në vend dhe në front.
Zëdhënësi i Zelenskyy, Serhiy Nikiforov, tha më 8 nëntor se udhëheqësi ukrainas ka shumë të ngjarë t'i bashkohet samitit të G20 nga distanca.
Putin do të përfaqësohet nga ministri i Jashtëm rus Sergei Lavrov. Prezenca e tij me shumë mundësi do të jetë virtuale.
(Kosova Sot Online)
