Xhelal Sveçla viziton Jarinjën dhe Koshtovën
Ministri i Punëve të Brendshme, Xhelal Sveçla, ka vizituar sot pikën kufitare në Jarinjë.
Sveçla u takua me zyrtarët policorë dhe ata të doganës.
Ministri ka shkruar se "Vendosmëria e gjithë zyrtarëve për të garantuar sundimin e ligjit janë garanci për ruajtjen e paqes dhe sigurisë", transmeton "Kosova Sot Online".
“Sot vizitova pikën e kalimit kufitar në Jarinjë, stacionin e policisë kufitare atje si dhe Stacionin Policor në Koshtovë të Vllahisë ku takova zyrtarët dhe përgjegjësit policor si dhe zyrtarët e Doganave të Kosovës. Vendosmëria e gjithë zyrtarëve për të garantuar sundimin e ligjit në çdo cep të Republikës dhe për të shërbyer e mbrojtur qytetarët tanë pa dallim, janë garanci për ruajtjen e paqes dhe sigurisë”, ka shkruar Sveçla.
(Kosova Sot Online)