Pse Serbia kundërshton njohjen e Kosovës si kusht për të përshpejtuar anëtarësimin në BE!

Presidenti Aleksandar Vuçiq ka refuzuar propozimin e Gjermanisë dhe Francës për të përshpejtuar procesin e anëtarësimit të Serbisë në BE në këmbim të njohjes së Kosovës nga vendi, transmeton gazeta “Kosova Sot Online”.

Gjermania dhe Franca kanë ofruar të përshpejtojnë procesin e anëtarësimit të Serbisë në BE “nëse njohim pavarësinë e Kosovës, por kjo është e papranueshme për ne”, ka thënë presidenti serb Aleksandar Vuçiq.

“Sipas këtij propozimi, nëse Serbia e lejon Kosovën të hyjë në të gjitha institucionet dhe komunitetet ndërkombëtare, përfshirë OKB-në, hyrja jonë në BE do të përshpejtohet”, tha Vuçiq në një fjalim televiziv drejtuar kombit të shtunën.

“Ata mendojnë se kjo do të zgjidhë një nga çështjet e brendshme të Evropës... (por) Serbia nuk do ta pranojë anëtarësimin e Kosovës në OKB si për arsye kushtetuese ashtu edhe për arsye të tjera.

“Përfundimi që duhet të nxjerrim nga kjo është se vendimet e OKB-së nuk respektohen… E drejta ndërkombëtare është shkelur për një kohë të gjatë dhe ligji funksionon qartë për të fuqishmit”, shtoi presidenti serb.

(Kosova Sot Online)