Erdogan vlerëson 'qëndrimin konstruktiv' të Putinit
Presidenti turk Rexhep Tajip Erdogan ka falënderuar homologun e tij rus Vladimir Putin për "qëndrimin e tij konstruktiv" në lidhje me zgjatjen e marrëveshjes së drithit të ndërmjetësuar nga Ankaraja, transmeton gazeta “Kosova Sot Online”.
Erdogan dhe Putin folën në një telefonatë të premten për zhvillimet e fundit në lidhje me marrëveshjen, çështjet dypalëshe dhe çështjet rajonale, tha në një deklaratë Drejtoria Turke e Komunikimeve.
Marrëveshja historike e grurit e nënshkruar në Stamboll në korrik nga Turqia, OKB-ja, Rusia dhe Ukraina u zgjat edhe për 120 ditë të tjera, duke filluar nga 19 nëntori.
Udhëheqësi turk i tha Putinit se zgjatja e luftës në Ukrainë vetëm sa rrit rreziqet dhe bëri thirrje që përpjekjet diplomatike të ringjallen.
(Kosova Sot Online)