U vranë me thikë nga ish-burri i partneres, daja i 23-vjeçarit: Gabimi i tij ishte që dashuroi

Mynevere Karabollaj dhe Flonino Merkuri, 23 vjeç u vranë tragjikisht të dielën në Itali nga ish-bashkëshorti i 37-veçares, Viron Karabollaj, 40 vjeç.

Lidhur me këtë ndodhi ka folur daja i 23-vjeçarit, Tajar Osmani, shkruan "Kosova Sot Online".

Osmani ka thënë se gabimi i djalit ishte që dashuroi. Që të dashurosh nuk është gabim. Gabim tjetër s’ka bërë djali.

“Ngjarjen e morëm vesh natën. Mori mbesa në telefon. Ai që bëri krimin i mori përsipër vrau dhe veten. Portalet shkruajnë duke ngrënë fara luledielli pa mësuar si është e vërteta. Gabimi i djalit ishte që dashuroi. Që të dashurosh nuk është gabim. Gabim tjetër s’ka bërë djali. Gruaja ishte e divorcuar këtu e 10 vite më parë. E kishte braktisur vetë ish-bashkëshorti. Personi që bëri vrasjen ishte ish-burri i saj. Djali kishte tre vjet me të. Ka ardhur këtu në shtëpi gruaja. Ka vajtur nipi dhe tek vëllezërit e saj në Vlorë. Tani presim të na vij trupi. Nuk ishte krim i paralajmëruar pasi nuk ka pasur as gërvishtjen më të vogël me ish-burrin. Hera e parë vajti bëri krimin. Po të kishte patur konflikt më parë do kishim marrë djalin. Djali ka një vit e ca në Itali, por me vajzën kanë tre vite që njihen. Ishte marrëdhënie me njohje familjare, jo problematike.”, tha daja.

(Kosova Sot Online)