Scholz: Gjermania duhet të jetë gati që situata në Ukrainë të përshkallëzohet

Kancelari Olaf Scholz tha të martën se Gjermania duhet të jetë gati që situata në Ukrainë të përshkallëzohet, por se udhëtimi i tij i fundit në Kinë ia vlente vetëm për të shprehur qëndrimin e përbashkët të dy vendeve kundër përdorimit të armëve bërthamore, transmeton gazeta “Kosova Sot Online”.

"Duke pasur parasysh zhvillimin e luftës dhe dështimet e dukshme dhe në rritje të Rusisë, ... ne duhet të jemi gati për një përshkallëzim," tha Scholz në një konferencë në Berlin të organizuar nga gazeta Sueddeutsche Zeitung.

Gjatë vizitës së tij në Kinë në fillim të këtij muaji, Scholz dhe presidenti kinez Xi Jinping dënuan kërcënimet për përdorimin e armëve atomike në Ukrainë.

Scholz tha se fondi i mbrojtjes prej 100 miliardë eurosh (102.76 miliardë dollarë) i shpallur në prag të pushtimit të Rusisë ishte rezultat i një mësimi të mësuar për të ndërtuar rezervat e mbrojtjes së ushtrisë gjermane.

(Kosova Sot Online)