Serbia dhe Azerbajxhani nënshkruajnë shtatë marrëveshje, zbulohet arsyeja

Presidentët e Serbisë dhe Azerbajxhanit nënshkruan të mërkurën shtatë marrëveshje dypalëshe, duke përfshirë një memorandum mirëkuptimi (MoU) për krijimin e Këshillit të Partneritetit Strategjik, transmeton gazeta “Kosova Sot Online”.

"Ata nënshkruan një memorandum për krijimin e Këshillit të Partneritetit Strategjik midis Republikës së Azerbajxhanit dhe Republikës së Serbisë", thuhet në një deklaratë të presidencës së Azerbajxhanit.

Kjo erdhi gjatë vizitës së presidentit të Azerbajxhanit, Ilham Aliyev në kryeqytetin serb, Beograd, ku u prit me një ceremoni zyrtare.

Aliyev dhe homologu i tij serb Aleksandar Vuçiç zhvilluan një takim të zgjeruar përpara nënshkrimit të marrëveshjeve.

Duke folur në një konferencë për shtyp pas takimit të tyre, të dy presidentët thanë se vendet e tyre mbështesin njëri-tjetrin në arenën ndërkombëtare.

"Ka mundësi të shumta për bashkëpunim në fushën e gazit natyror dhe energjisë elektrike," tha presidenti i Azerbajxhanit.

Vuçiq nga ana e tij tha se marrëveshjet e nënshkruara i kanë ngritur marrëdhëniet mes dy vendeve në një nivel të ri.

"Ka shumë më tepër përpara dy vendeve dhe ata do të mund të bëjnë shumë së bashku në interes dhe të mirë të të dy kombeve," tha presidenti serb.

Ai njoftoi gjithashtu se deri në fund të vitit do të bëjë një vizitë joformale por pune në Azerbajxhan për të vazhduar diskutimet me Alijevin për bashkëpunim në fushën e energjisë.

Më parë, Vuçiq shprehu dëshirën për të diskutuar lidhjen e Serbisë me Gazsjellësin Trans Adriatik (TAP) ose Gazsjellësin Trans-Anatolian të Gazit Natyror (TANAP).

Serbia ka aktualisht çmimin më të ulët të energjisë elektrike në rajon dhe një marrëveshje mund të mbajë të qëndrueshme tarifat dhe të parandalojë një rritje të çmimeve.

Çmimi për familjet serbe është 0,086 dollarë për kilovat orë, ndërsa në Bosnje Hercegovinë është 0,087 dollarë.

Sipas Vuçiç, është deri në 0,097 dollarë në Shqipëri, 0,105 dollarë në Mal të Zi, 0,148 dollarë në Kroaci dhe 0,545 dollarë në Romë.

(Kosova Sot Online)