Peci: Deklaratën e Skender Hysenit e kam lexuar dy tri herë, sepse nuk mujsha me besu

Ministri i Bujqësisë, Faton Peci ka folur për reagimin e tij që bëri ndaj ish-ministrit të jashtëm, Skender Hyseni, pasi ky i fundit tha se deklarimet e presidentes Vjosa Osmani për qasjen e Borrellit  po i përngjajnë me ato të Enver Hoxhës e Sllobodan Millosheviqit.

Ministri i Bujqësisë, Faton Peci ka theksuar se deklarata e Skender Hyseniti është skandaloze dhe e papranueshme, transmeton gazeta "Kosova Sot Online".

Pasi ky i fundit tha se deklarimet e presidentes Vjosa Osmani për qasjen e Borrellit  po i përngjajnë me ato të Enver Hoxhës e Sllobodan Millosheviqit.

“Nuk po menoj që është betejë, por një reagim njerëzor, sepse është tërësisht e papranueshme që çdo qytetar i  Kosovës të krahasohet me kasapin e Ballkanit, Sllobodan Millosheviq. Në asnjë rrethanë, në asnjë mënyrë, nuk besoj që jo vetëm ndonjë përfaqësues politik, që kanë pas përgjegjësi institucionale në të kaluar ose që kanë sot, posaçërisht të shqiptarëve të Kosovës që ne guxojmë t’i dhamë vetit luksin e të bëjmë një krahasim i tillë që për mu ka qenë tejet i gërditshëm, e aq më tepër që vije nga një ish-ministër i jashtëm. Për më shumë, personalisht kur e kam parë e kam lexuar dy tri herë, sepse nuk mujsha me besu”.

Ndërsa, sa i përket lidhjes së deklaratës së Hysenit me LDK’në, Peci tha se nuk ka bërë reagim ndaj LDK’së, por ndaj Hysenit.

“Ne nuk po e lidhim me askënd, unë nuk e kom akuzu LDK‘në, por personin në fjalë, kam bërë një reagim publik, e pash të nevojshme të reagojë”.

(Kosova Sot Online)