Një letër bombë shpërthen në ambasadën e Ukrainës në Madrid
Një punonjës i ambasadës së Ukrainës në Madrid u plagos "lehtë" kur një letër-bombë shpërtheu teksa ai e trajtonte atë, tha një burim policor, transmeton gazeta “Kosova Sot Online”.
"Policia kombëtare ka hapur një hetim që përfshin pjesëmarrjen e policisë mjeko-ligjore," tha burimi, raportoi Barron.
Policia ka aktivizuar protokollin antiterror dhe ka rrethuar zonën ku ndodhet Ambasada, në numrin 52 Ronda Abubilla.
Trupat e specializuar për çaktivizimin e eksplozivëve, Tedax, përveç njësive të tjera policore, janë zhvendosur në vend.
Deri më tani, ambasada nuk e ka konfirmuar dhe as mohuar aksidentin.
(Kosova Sot Online)
