Zelensky u bën thirrje francezëve të ofrojnë ndihmë për të 'mbijetuar dimrin'

Presidenti ukrainas Volodymyr Zelensky u bëri thirrje të martën kryebashkiakëve francezë që t'i ofrojnë ndihmë vendit të tij për të parandaluar Rusinë të përdorë të ftohtin "si një armë të shkatërrimit në masë" këtë dimër, transmeton gazeta “Kosova Sot Online”.

Ai e bëri thirrjen në një mesazh të transmetuar në një kongres në Paris të Shoqatës së Kryetarëve të Bashkive Franceze (AMF), ku morën pjesë një delegacion i përfaqësuesve të zgjedhur ukrainas.

“Kremlini dëshiron ta kthejë të ftohtin e dimrit në një armë të shkatërrimit në masë”, tha presidenti ukrainas në një video të transmetuar gjatë një homazh për Ukrainën të organizuar nga AMF në kongres.

"Për të mbijetuar këtë dimër dhe për të mos lejuar që Rusia ta kthejë të ftohtin në një mjet terrori dhe nënshtrimi, ne kemi nevojë për shumë gjëra," tha Zelensky, duke përmendur veçanërisht "gjeneruesit e kapaciteteve të ndryshme", "ndihmë në pastrimin e minave (dhe) pajisje për zjarrfikësit, shpëtimtarët dhe mjekët.”

“Unë ju bëj thirrje që të jeni shumë konkret në ndihmën dhe mbështetjen e qyteteve dhe komuniteteve tona kundër terrorizmit”, shtoi ai.

Presidenti i AMF David Lisnard, një anëtar i partisë së krahut të djathtë Les Républicains, i cili kishte vizituar Ukrainën në javët pas fillimit të pushtimit rus, ftoi përfaqësuesit ukrainas në kongresin e shoqatës së tij për të shprehur "admirimin tonë, solidaritetin dhe mbështetjen tonë". 

(Kosova Sot Online)