Për zgjedhjet në Veri/KQZ certifikon listën përfundimtare të votuesve

  • A.P /
  • 08 December 2022 - 16:21
Për zgjedhjet në Veri/KQZ certifikon listën përfundimtare të votuesve

Për certifikimin e listës përfundimtare të votuesve për zgjedhjet e jashtëzakonshme për kryetar të komunave në Veri, komisioni Qendror i Zgjedhjeve sot ka marrë vendim, transmeton gazeta “Kosova Sot Online”.

Lajmin e ka konfirmuar zëdhënësi i KQZ-së, Valmir Elezi.

Ai tha se lista votuese përmban 44 mijë e 939 emra të votuesve, 1 mijë e 189 më shumë se në zgjedhjet lokale të vitit 2021.

“Komisioni Qendror i Zgjedhjeve mori vendim për certifikimin e listës përfundimtare të votuesve për zgjedhjet e jashtëzakonshme për kryetar në komunat: Leposaviq, Zubin Potok, Zveçan dhe Mitrovicë e Veriut, të cilat do të mbahen më 18 dhjetor 2022. Kjo listë votuese përmban 44 mijë e 939 emra të votuesve apo 1,189 votues më shumë në krahasim me Zgjedhjet Lokale 2021. Votuesit janë të shpërndarë në 44 qendra të votimit megjithsej 74 vendvotime”, tha Elezi.

(Kosova Sot Online)

lajme dieta pa karbohidrate gazetat ditore gazetat e kosoves Kosova Sot Bota Ngjarje Aktualitet perputhen big brother muzike KQZ