Simiq i Listës Serbe iu thirrje të re serbëve në veri

Nga zona e barrikaduar në veri të Kosovës, Igor Simiq, nënkryetar i Listës Serbe iu ka kërkuar qytetarëve serbë që ta ruajnë qetësinë dhe të respektojnë përfaqësuesit ndërkombëtarë, transmeton gazeta “Kosova Sot Online”.

“U bëjë thirrje qytetarëve për vetëpërmbajtje, por edhe të respektojnë përfaqësuesit ndërkombëtarë në terren. Është e rëndësishme të ruhet pajqa dhe forcat speciale në pjesën veriore të Mitrovicës, që u shkaktojnë frikë qytetarëve, nuk kontribuojnë në këtë”, ka thënë Simiq.

Ish-deputeti serb në Kuvendin e Kosovës ka folur pas mbledhjes së tretë të “Shtabit të Krizës”, në ditën e pestë të barrikadimit të rrugëve që cojnë në dy pikat kufitare në veri të Kosovës. 

Para Simiqit, nga fshati Rudarë ku janë vendosur barrikadat të hënën ka folur Goran Rakiq, kryetar i Listës Serbe.

Simiq ka thënë se cdo ditë po rritet numri i qytetarëve që po qëndrojnë pranë barrikadave, të cilat, nuk janë larguar as pas shumë thirrjeve të ndërkombëtarëve.

“Dua të shpreh falendërimin për gjithë njerëzit, të cilët janë përcaktuar për të qëndruar dhe për mbijetuar në këto zona dhe janë të gatshëm të mbrojnë ekzistencën e tyre dhe të drejtën për një jetë normale në shekullin XXI”, ka thënë Simiq.

(Kosova Sot Online)