Thaçi, deputetëve që votuan Specialen: Kërkoni falje ose heshtni
Ish-zëvendësministri i Arsimit, Jusuf Thaçi, ka komentuar dënimin me 26 vjet burg të ish-pjesëtarit të Ushtrisë Çlirimtare të Kosovës, Salih Mustafën, nga Gjykata Speciale, përcjell "Kosova Sot Online".
Thaçi ka shkruar se ata të cilët votuan për formimin e Gjykatës Speciale, që të heshtin ose të kërkojnë falje, pasi sipas tij kjo është më e pakta që mund të bëjnë.
"Ata që kanë ngre dorën pro themelimit të Gjykatës Speciale, duke i dhënë këtij institucioni të pështirë politik statusin dhe shenjtërinë e institucionit të drejtësisë, nëse nuk e kanë kurajon njerëzore për kërkim-falje, së paku mos të flasin asgjë për veprimet e vendimet e këtij monstrumi të "drejtësisë". Kjo është më e pakta që duhet ta bëjnë!", ka shkruar Thaçi.
(Kosova Sot Online)