Pse Papa thotë se e ka nënshkruar letrën e dorëheqjes!

Papa Françesku zbuloi për herë të parë në një intervistë të dielën se ai kishte nënshkruar një letër dorëheqjeje gati një dekadë më parë nëse shëndeti i dobët e pengonte atë të kryente detyrat e tij, transmeton gazeta “Kosova Sot Online".

Françesku, i cili mbushi 86 vjeç të shtunën, ka thënë në të kaluarën se do të tërhiqej nga papati nëse problemet shëndetësore e pengojnë atë nga detyrat e tij.

Në gazetën spanjolle ABC, Papa tha se ai nënshkroi letrën e tij të dorëheqjes dhe ia dorëzoi atë sekretarit të shtetit të Vatikanit, Tarcisio Bertone, përpara daljes në pension të kardinalit në 2013.

"Unë e firmosa dorëheqjen dhe i thashë: "Në rast të pengesës mjekësore apo çfarëdo qoftë, ja dorëheqja ime. Ju e keni atë", tha Papa.

I pyetur nga intervistuesi nëse donte që ky fakt të dihej, Françesku u përgjigj: “Prandaj po ju them”.

Ai shtoi se nuk e dinte se çfarë bëri Bertone më pas me letrën.

Françesku ka qenë i kufizuar në aftësinë e tij për të ecur nga një gjendje e paoperueshme e gjurit që e ka detyruar atë të mbështetet në një karrige me rrota muajt e fundit.

Papa i është dashur të anulojë ose kufizojë aktivitetet disa herë gjatë vitit të kaluar për shkak të dhimbjes dhe në një intervistë në korrik ai pranoi se duhej të ngadalësonte.

"Mendoj se në moshën time dhe me këtë kufizim, duhet të shpëtoj sadopak veten për të qenë në gjendje t'i shërbej Kishës. Ose, si alternativë, të mendoj për mundësinë që të tërhiqem mënjanë," tha ai.

Paraardhësi i Françeskut, Benedikti XVI, dha dorëheqjen për shkak të problemeve shëndetësore në vitin 2013. Ai tani jeton i qetë në qytetin e Vatikanit.

(Kosova Sot Online)