Tajani: Ka shumë tensione mes Kosovës dhe Serbisë

Në janar do ta organizojë një lloj konference italiane për Ballkanin në Trieste, për të përgatitur “një sërë nismash politike”, ka deklaruar ministri i Jashtëm i Italisë, Antonio Tajani, transmeton gazeta “Kosova Sot Online"

Tajani në një intervistë për Skytg24 tha se ka shumë tensione mes Kosovës dhe Serbisë.

“Ka shumë tensione mes Kosovës dhe Serbisë, ne po mundohemi të bëjmë gjithçka që situata të mos përshkallëzohet”, ka thënë ai.

“Janë një mijë ushtarë italianë në kufi që garantojnë stabilitet dhe paqe dhe vlerësohen nga serbët dhe kosovarët”, ka shtuar ministri italian.

Tajani nënvizoi se “Italia dëshiron të jetë protagoniste pasi këto janë territore afër kufijve tanë dhe si pjesë e Europës”.

(Kosova Sot Online)