Vetëvendosje: Barrikadat duhet të hiqen dhe të kthehet rendi i ligjit
Përmes një njoftimi, Lëvizja Vetëvendosje, kanë thënë dje se gjatë mbledhjes është diskutuar për situatën poltiike dhe për situatën në veri të MItrovicës, shkruan "Kosova Sot Online".
VV-ja ka shkruar se barrikadat në veri të vendit duhet të hiqen dhe duhet kthyer ligji në rend.
Postimi i plotë:
Mbledhja me Qendrat e VETËVENDOSJE!-s
Sot u mbajt mbledhja me Qendrat e Lëvizjes VETËVENDOSJE!. Në diskutimin e situatës politike vend qendror pati veriu i Mitrovicës me barrikadat që duhen hequr dhe rendin e ligjin që duhet kthyer atje, lufta kundër korrupsionit në vend, dhe rritja ekonomike bashkë me buxhetin i ri që tashmë ka kaluar në dy lexime në Kuvend. Te çështjet organizative, u diskutua për planifikimin e aktiviteteve tona, opozitarizmin tonë nëpër komuna dhe fuqizimin e mëtejmë të organizatës tonë brenda dhe jashtë vendit.
(Kosova Sot Online)
