Arrestohet 50-vjeçari i dyshuar për përfitimin e 132 mijë eurove

Për veprën penale të Mashtrimit, që është raportuar në shtator të vitit 2022, hetuesit nga Njësiti i Hetimeve të Përgjithshme të rajonit të Prishtinës, sot kanë arritë të sigurojnë prezencën e një personi të dyshuar, transmeton gazeta “Kosova Sot Online”.

Puna e hetuesve policor ka rezultuar me identifikimin e personit të dyshuar: A.Z,  mashkull 50 vjeç, shtetas i Republikës së Kosovës, “i cili pas intervistimit, në prezencë të avokatit mbrojtës, me aktvendim mbi ndalimin e personit të dyshuar të nxjerrë nga ana e prokurorit të shtetit, është dërguar në qendrën e mbajtjes për 48 orë”, njofton policia.

Mbështetur në rezultatet e  hetimit, “policia ka ngritur dyshimin e bazuar se personi në fjalë, duke i prezantuar fakte të rreme rreth një prone, për të ciliën kishin bërë marrveshje për shit-blerje, dyshohet të ketë marrë nga ankuesi në periudha të ndryshme, shuma të parash  (vlera e parave gjithsejt  132.000 euro)”, thuhet në njoftim.

Sipas policisë, A.Z, dyshohet të jetë i përfshirë edhe në raste rë tjera të natyrës së njëjtë.

(Kosova Sot Online)