Zbulohen detaje të reja për foshnjën e futur në lavatriçe në Spitalin e Pejës
Javën e kaluar në Pejë, një grua ka lindur fëmijën e saj në javën e 32-të, për shkak të problemeve shëndetësore, transmeton gazeta "Kosova Sot Online".
Lindja është kryer me operacion dhe foshnja ishte nxjerr e vdekur.
Pas operacionit raportohet se foshnja është vendosur në hapësirat brenda sallës, dhe ndërkohë ishte ngatërruar me çarçafët ku bashkë me ta ishte futur në lavatriçe nga një punonjës i pastrimit.
Lajmin e konfirmoi kryeprokurori i Prokurorisë Themelore të Pejës, Agim Kurmehaj, i cili tha se lidhur me rastin kanë filluar hetimet.
Ai e konfirmoi se foshnja ka qenë e vdekur kur është futur në lavatriçe.
“Po kanë filluar hetimet. Këtu është i përfshirë edhe inspektorati i Shëndetësisë, tash po këqyrim a ka persona përgjegjës për këto veprime neglizhente që kanë ndodh, a ka përgjegjësi eventuale. Po, po foshnja ka qenë e vdekur”, tha ai.
(Kosova Sot Online)