Komuna e Klinës: Po dëmtohen qëllimisht kabllot e ndriçimit publik nga persona të pandërgjegjshëm
Drejtoria e Shërbimeve Publike dhe Emergjente, në Klinë ka njoftuar se në disa pjesë të qytetit në mënyrë të vazhdueshme dhe të qëllimshme po bëhet dëmtimi i kabllove të ndriçimit publik nga persona të pandërgjegjshëm, raporton "Kosova Sot Online".
Në njoftim thuhet se kabllot e ndriçimit publik janë riparuar por që përseri kabllot kanë dëmtuar.
Për këtë rast është njoftuar edhe Policia e Kosovës, por që ende nuk është bërë identifikimi i këtyre personave.
Njoftimi i plotë:
NJOFTIM NGA DREJTORIA E SHËRBIMEVE PUBLIKE DHE EMERGJENTE:
DËMTOHEN QËLLIMISHT KABLLOT E NDRIÇIMIT PUBLIK NGA PERSONA TË PANDËRGJEGJSHËM
Drejtoria e Shërbimeve Publike dhe Emergjente njofton qytetarët se në disa pjesë të qytetit në mënyrë të vazhdueshme dhe të qëllimshme po bëhet dëmtimi i kabllove të ndriçimit publik nga persona të pandërgjegjshëm.
Komuna e Klinës, respektivisht DSHPE, me qëllim të ri-funksionalizimit të ndriçimit publik ka bërë riparimin e kabllove të dëmtuara, por raste të dëmtimit të kabllove janë përsëritur.
Drejtori i Shërbimeve Publike dhe Emergjente, Qendrim Millaku, ka njoftuar Policinë e Kosovës për këtë rast, megjithatë ende nuk është bërë identifikimi i këtyre personave të pandërgjegjshëm dhe dashakëqij.
(Kosova Sot Online)