Zelensky dhe kryeministri diskutojnë formulën e paqes

Presidenti i Ukrainës diskutoi presidencën e G-20 të Nju Delhit dhe formulën e paqes të Ukrainës për t'i dhënë fund luftës me Rusinë në një bisedë telefonike të hënën me kryeministrin e Indisë, transmeton gazeta “Kosova Sot Online”.

"Kam pasur një telefonatë me kryeministrin indian Narendra Modi dhe kam uruar një presidencë të suksesshme të G-20. Ishte në këtë platformë që unë shpalla formulën e paqes dhe tani llogaris në pjesëmarrjen e Indisë në zbatimin e saj. Gjithashtu falënderova (Modi) për ndihmë humanitare dhe mbështetje në OKB”, shkroi Volodymyr Zelenskyy në Twitter.

Formula e paqes e Zelenskyy, e cila përbëhet nga 10 kushte, u parashtrua në samitin e fundit të G-20 në Indonezi, me hapin e fundit që është nënshkrimi i një marrëveshjeje paqeje.

Ai gjithashtu fokusohet në çështje të tilla si siguria bërthamore, siguria e ushqimit dhe energjisë, dhe tërheqja ushtarake e Rusisë nga Ukraina.

India filloi zyrtarisht presidencën e saj të G-20 pasi presidenti i Indonezisë Joko Widodo ia dorëzoi Nju Delhit postin e mbajtur më parë nga vendi i tij gjatë samitit të bllokut më 15-16 nëntor në ishullin Bali.

(Kosova Sot Online)