Zelensky: 9 milionë ukrainas ende pa energji

Rreth 9 milionë njerëz në Ukrainë nuk kanë ende energji, megjithëse puna e riparimit është duke u zhvilluar për të rregulluar rrjetin elektrik që pësoi dëme të rënda në sulmet ruse, sipas presidentit ukrainas Volodymyr Zelensky, transmeton gazeta “Kosova Sot Online”.

"Por numri dhe kohëzgjatja e ndërprerjeve të energjisë elektrike po zvogëlohet vazhdimisht," tha ai në fjalimin e tij të përditshëm me video të hënën në mbrëmje. Megjithatë, ka ende shumë deficite në furnizimin me energji elektrike, tha ai.

Ai tha gjithashtu se vendime të rëndësishme janë marrë gjatë konsultimeve me përfaqësuesit e qeverisë për situatën energjetike dhe infrastrukturës.

“Ne po përgatitemi për vitin e ardhshëm, jo vetëm për muajt e dimrit”, tha ai. “Ka hapa që duhen bërë dhe shteti do t’i ndërmarrë patjetër.

Zelensky paralajmëroi më tej Moska mund të sulmojë sërish rrjetin energjetik të Ukrainës. Mbrojtja ajrore po përgatitet, shteti po përgatitet dhe të gjithë duhet të përgatiten”, tha ai.

(Kosova Sot Online)